بسمارك المستشار الحديدي ” حياة مكافح

كو
اوتو فون بيسمارك (Otto Eduard Leopold von Bismarck) (1 ابريل 1815 – 30 يوليو 1898) كان سياسى ألمانى مسك منصب رئيس وزرا پروسيا بعد ما عيّنه الملك ڤيلهلم الاول (Wilhelm I) من 1862 لحد سنة 1890. مشهور بإنه اللى اسس ألمانيا تحت قيادة پروسيا. بعد الحرب مع النمسا سنة 1866, إتحل الاتحاد الألمانى و إتأسس الاتحاد الألمانى الشمالى تحت قيادة پروسيا, و ضم فى عضويته 17 دولة صغيرة. قاد الانتصار على فرنسا فى 1870/1871 لـ تأسيس الرايخ الألمانى التاني (Deutsches Reich) والدعوة لـ انهم يدّو لقب قيصر على ڤيلهلم الاول فى ڤرساى (Versailles). بيسمارك بقى رئيس وزرا و بقى فى نفس الوقت “مستشار الرايخ” و اتسمى المستشار الحديدى. بعدين انتخبوه فى الرايشستاج (Reichstag; پرلمان الرايخ) و اعتبر ممثل للشعب, رغم محدودية حقوقه و صلاحياته. بعد كده بيسمارك قاوم بكل قوّته الليبراليه و بقية القوى اليساريه و الكاتوليكية السياسية و الديمقراطية الاجتماعية, بس فى تمانينات القرن التسعتاشر عمل اكتر انواع متطورة فى التشريع القانونى و السياسى و الاجتماعى فى اوروپا. بعدين اختلف مع القيصر الجديد ڤيلهلم التانى فعزله من منصبه فى سنة 1890.